A PROEZA DO RESCATE DOS REFUXIADOS REPUBLICANOS

Este espazo nace con vocación de xustiza, recoñecemento e homenaxe, rescate do esquecemento e agradecemento ao industrial e político galego Alejandro Viana Esperón (Ponteareas-Pontevedra, 1877 – México D.F. 1952) e por extensión aos e ás demócratas da II República que sofreron as consecuencias do golpe de Estado, da Guerra Civil e o Exilio.

Ademais, pretende ser un lugar de encontro, coñecemento e intercambio de información para investigadores e investigadoras, e persoas en xeral, interesadas na figura de Alejandro Viana Esperón e, especialmente, na súa acción humanitaria en Francia á fronte do Servicio de Evacuación de Republicanos Españoles e das Sociedades Hispanas Confederadas ou da Federación de Sociedades Galegas en Argentina, simbolizada na evacuación en barcos a América de 17.000 refuxiados e refuxiadas.